Oniṣẹ́-ẹ̀rù pa èniyàn mejila ni France – As it happened: Charlie Hebdo attack
Ariwo ta, gbogbo àgbáye mi tìtì nigbati iroyin àwọn ti ó fi ẹ̀sìn bojú pa èniyàn mejila ni Paris jade. Ni ọjọ́ keje, oṣù kini ọdún Ẹgbã-le-mẹdogun, àwọn ti ó fi ẹ̀sìn bojú pa àwọn Olùtẹ̀ iwé Aworẹrin “Charlie Hebdo” nibiti wọn ti nṣe ipàdé nipa ohun ti wọn yio gbe jade ninu iwé Aworẹrin ti ọ̀sẹ̀ naa. Gbogbo àwọn Olóri Òṣèlú àgbáyé fi ọwọ́ so ọwọ́ pọ̀ pẹ̀lú Olóri Òṣèlú France.
Idibò ṣe pàtàki fún Òṣèlú ju àti wá ọ̀nà àti dojú ijà kọ Boko Haram – What made the Paris attack more newsworthy than Boko Haram’s assault on Baga?
Idà keji, ẹgbẹ́ “A ò fẹ́ iwé – Boko Haram” jó odidi ilú Baga ni Ariwa Nigeria, wọn si pa Ẹgbã èniyàn lai mi àgbáyé. Iyàtọ̀ ti ó wà ni bi àgbáyé ti ké lóri ikú èniyàn méjilá ni Paris ni pé, Olóri Òṣèlú àti gbogbo ará ilú parapọ̀ lati fi ẹ̀dùn han. Gbogbo àgbáyé ké rara nigbati wọn ji ọmọ obinrin igba ó lé diẹ̀ gbé lọ ni Chibok ni Òkè-Ọya Nigeria, ṣùgbọ́n titi di òni, wọn kò ri àwọn obinrin wọnyi gbà padà. Òbi míràn ti kú nitori iṣẹ̀lẹ̀ ibi yi.
Yorùbá ni “Ẹlẹ́rù ni nké ọfẹ”. Iṣe àti iwà Olóri Òṣèlú àti Ìjọba-Alágbádá, kò fún àgbáyé ni ìwúrí lati ma a kẹ́dùn nigbati àwọn ti ó kàn kò fihàn pé wọn tara fún ẹ̀mí. Lati igbà ti Boko Haram ti npa tàbi ji èniyàn gbé ni Òkè-Ọya, Olóri ilú kò lọ lati kẹ́dùn pẹ̀lú àwọn ti èniyàn wọn sọ ẹmi nu. Wọn kò si fún àwọn Jagun-jagun ni ohun ijà ti wọn lè fi dojù kọ Boko Haram. Lati ọdún ti ó kọjá, ipalẹ̀mọ́ idibò ọdún yi ṣe pàtàki fún àwọn Òṣèlú ju àti wá ọ̀nà àti dojú ijà kọ Boko Haram. Irú iwà bayi kò lè ṣẹlẹ ni Òkè-Òkun àti pé ará ilú Òkè-Òkun kò ni gbà fún Òṣèlú, nitori ẹ̀mí èniyàn ṣe pàtàki ju idibò lọ.
ENGLISH TRANSLATION
Continue reading
